-
Au payis des molins
Avint cha, j'y allos souvint
Dins men payis des molins,
Où ch'est qu' j'allos quind j'étos jonne,
Où ch'est qu' j'ira quind que j' seras viux,
Ch'étos min payis,
Mais in m' l'a volé,
Ch'étos min payis,
J' l'a laissé s'involé.
J'y allos quind j'voulos,
Ch'étos nin compliqué,
J'y allos quind j'voulos,
I suffijot de l'demindé.
Asteur, je n'sais mie pus,
Ti te savos nin,
Mi j'sais pu nin pus,
Asteur, in est pierdu.
I m'fejot rêvé, min molin,
I m'fejot rique, min molin,
I m'fejot lib', min molin,
Car ch'étot min molin.
Su l'kemin à min molin,
Pachequ'i nn avot plus d'un,
Et i avot foque el mien
Qui m'fejot sintir el vint,
Su l'kemin, adon,
Ej ravisot pon,
Ches gins et ches ponts,
Ches kiens ou majons,
Su l'kemin, ej m ramintuvos
Ches ferniètes, ech l'uch,
Ches ailes et ches reues,
Mais in jour, tout chingeot.
Min molin, i avot pus d'uch,
Min molin, i avot pus d'ferniètes,
Min molin, ch'étot pu min molin,
J'ai nin pus d'molin, j'ai nin pus d'payis.(Turlupin, 2012)
-
Commentaires