In savot qu'Adamo i étot d'origine italienne,... mais vous saviez-ti qu'i étot étou d'origine picarde ? Borègne pour-ête préciss ? Acoutez-me cha !

Ascoutez ls infants su l'pavé
qui fusstent braques ou bié inlvés
de pauve ou bié d'riche famie
les garçons autant qu'les fies
vous n'intindrez nié ée seûl parler francés.

Vous diront que, pou les djeus
c'e-st in patois qu'on s'comprind l'mieus
ascoutez leus discussions, leus rébus, leus réflexions
on a du plaisi à l's'intinde de d'lon...

Refrain :
On est borégne ou on n'l'est nié
ca viét d'famie, on n'y pwet rié
on éme el patois de s'vilâge
pou nous c'est l'pu biau des langâges
on est borégne dins l'ardeyon
on n'roudgit nié de ses tayions
on s'fout des faizeux d'imbaras
on s'ra borégne tant qu'on vivra.

Quind edj voyage à l'etringer
eyeé qu'dins les cwégnes les pus erculés
dj'intinds qu'on dvize el langâge
qui m'rappelle el Borinâge
edj' m'arète pou ascouter avec fierté

el patois r'viet toudi au d'seu(r)
fuss dins l'gaîté ou dins l'malheu(r)
c'est s'langâge-là qu'el maman
pale à s'petit jone infant
c'est pour ça qu'i fait rizète in l'ascoutant.

(texte ed Henri TOURNELLE, 1893-1961)

Salavatore Adamo i est adon né in Italie, mais i a grindi dins l'Borinage (à Jemmapes). François Pirette i-est bien connut in Bergique, ch'est in humoriste qui est originaire ed Jemappes etou.